Pwy ddylai ddiogelu eu gwrtaith

Yn gryno, dylai unrhyw un sy'n trin neu'n storio gwrtaith dalu sylw i'w ddiogelwch er mwyn sicrhau nad yw'n disgyn i'r dwylo anghywir.

Mae hyn yn cynnwys:

Ffermwyr a Thyfwyr
Grwpiau Prynu
Contractwyr amaethyddol
Cludwyr
Gwasanaethau storio
Masnachwyr
Ymgymysgwyr
Mewnforwyr

Mae Cynllun Sicrwydd Fertiliser Industry Assurance Scheme y Diwydiant Gwrtaith yn annog y rhai hynny sy'n gysylltiedig â chaffael a chyflenwi gwrtaith i gymryd camau i'w ddiogelu, ond nid yw hyn yn ymestyn yn uniongyrchol i ffermwyr.

Waeth faint o wrtaith yr ydych yn ei storio, mae'n bwysig eich bod yn ystyried rhoi mesurau priodol yn eu lle i atal troseddwyr rhag cael gafael arno a'i gamddefnyddio.

Mae'r mwyafrif helaeth o ymosodiadau terfysgol sydd wedi digwydd yn y DG wedi ymwneud â'r defnydd o ffrwydron cartref, y rhan fwyaf ohonynt yn seiliedig ar wrtaith. Mae hyd yn oed rhai o'r dyfeisiadau llai (llai na 50 cilogram) wedi achosi marwolaethau, anafiadau a chryn ddifrod, felly gellir gweld fod diogelwch yn hanfodol bwysig ar bob lefel o storio.