Larymau a Systemau Datgelu Tresbaswyr
"Mae larymau yn gwneud i mi feddwl ddwywaith; mae'n haws mynd i rywle arall. Doeddwn i byth yn torri i mewn i rywle lle'r oedd 'na olau neu rywle efo larwm. Am bob fferm efo larwm, mae yna 20 arall heb yr un."
Does dim dwywaith bod system datgelu tresmaswyr wedi ei gyfuno â larwm yn ataliad effeithiol. Mae astudiaethau wedi dangos fod eich safle'n llawer llai tebygol o gael ei dargedu os oes gennych system larwm wedi'i gosod a'i chynnal a'i chadw'n iawn.
Systemau Datgelu Tresmaswyr
Mae sawl math o system datgelu, sy'n addas ar gyfer ffermydd, a ddefnyddir i ysgogi larwm, er enghraifft:
- Cysylltiadau Magnetig (wedi eu gosod ar ddrysau, ffenestri neu gatiau)
- Systemau Isgoch Goddefol i amddiffyn y tu mewn i adeiladau
- Systemau Microdon
- Datgelwyr dirgryniad / sŵn
Mae systemau mwy soffistigedig yn defnyddio datgelwyr electromagnetig wedi'u claddu neu gyfuniad o DCC ameddalwedd datgelu symudiad fideo.
Pa bynnag system ddatgelu a ddefnyddir dylai fod yn ddibynadwy, yn addas i'r pwrpas ac wedi ei chysylltu â system larwm fydd yn rhybuddio gweithredwr y safle neu'r heddlu (drwy ganolfan derbyn arwyddion larwm cymeradwy).
Systemau Larwm
Mae dwy fath sylfaenol o larwm:
- Math A. Larwm wedi'i monitro – mae'r larymau hyn yn glywadwy ac maent hefyd yn anfon rhybudd at gwmni derbyn arwyddion larwm a fydd yn rhoi gwybod i'r heddlu neu ddeiliaid allweddi. Dylai systemau gydymffurfio â safon BS 4737 (BS EN50131) ac efo polisi Systemau Diogelwch Cymdeithas Prif Swyddogion yr Heddlu
- Math B. Larymau clywadwy yn unig – mae'r larymau hyn yn canu pan ysgogir hwy gan atal drwgweithredwyr a denu sylw pobl eraill. Dylai systemau gydymffurfio â safonau BS 4737 neu BS 6799. Gellir cael systemau y gallwch eu gosod eich hun yn ddidrafferth am bris rhesymol. Dylent gydymffurfio â safon BS 6707.
Mae'n bwysig eich bod yn edrych ar gefndir ac enw da cwmni larwm cyn trafod eich anghenion diogelwch gyda hwy. Fel gydag unrhyw gytundeb gwaith neu gytundeb cynnal a chadw dylech amddiffyn eich hunan drwy sicrhau:
- fod y system yn cwrdd â'r Safonau Prydeinig angenrheidiol
- nad oes costau 'cudd' megis costau gwasanaethu a chynnal a chadw'r system
- eich bod yn darganfod beth yw'r costau 'galw allan' ac ymateb brys
- eich bod yn cael o leiaf 3 dyfynbris gan gwmnïau gydag enw da
- nad ydych yn derbyn cytundeb llafar
Nodwch NA FYDD yr heddlu'n mynychu lleoliadau lle ysgogwyd larwm clywadwy yn unig oni bai bod ffactorau eraill wedi sy'n awgrymu fod y larwm yn ddilys (e.e. sŵn gwydr yn torri). Noder hefyd y dylai fod o leiaf ddau ddeiliad allwedd sy'n gwybod sut mae'r larwm yn gweithio ac sy'n gallu caniatáu mynediad i'r ardal y mae'r larwm yn ei amddiffyn.
Dylai fod modd cysylltu â hwy dros y ffôn a dylent fedru cyrraedd y lleoliad o fewn 20 munud o dderbyn yr alwad. Cysylltwch â'ch Swyddog Atal Trosedd Lleol os byddwch angen unrhyw arweiniad neu gyngor ychwanegol ynglŷn â gosod larwm.
Am ragor o wybodaeth, gweler:
- Secured by Design: Alarms
- A Guide to Home Security: Alarms
- Security Systems Policy (Adobe PDF file, 209 Kb)
